This Blog is also available as an RSS Feed

Algemeen

Ervaar Afrika in die Pongola Wildtuin

Ongeveer 450 kilometer vanaf Johannesburg en 350 kilometer van Durban word die Pongola Wildreservaat aangetref. Dié volmaakte boservaring in KwaZulu-Natal is die oudste wildtuin in Suid-Afrika en die tweede oudste in die wêreld. In 1894 reeds is dit deur die destydse president Paul Kruger tot natuurreservaat verklaar. Vandag nog handhaaf dit die hoë standaarde van vroeër en met die ongelooflike verskeidenheid dierelewe en asemrowende landskap bied dit ‘n fantastiese Afrika-avontuur.

Hierdie wonderlike natuur- en wildtoevlugsoord lok menige plaaslike en internasionale besoekers met sy diverse geleenthede om die natuurskoon te geniet. Die akkommodasie is bekostigbaar en tog luuks met ‘n wye keuse soos: die Mpalane hengeloord; die Mhlozi boskamp; die Mvubu wildtuin; die Sondaba boskamp; die Nkwazi-oord en die Inyati-oord.

Verskeie toekennings is reeds aan die Pongola wildtuin gemaak soos die Natal Parkeraad se Bewaringstoekenning in 1993, die Departement van Landbou se Themba-toekenning vir grondbewaring in 1988; die SA Wildboerdery toekenning in 2007 en die SA Jagtersvereniging se Bewaringstoekenning in 1985 en weer in 1989. Besoekers kan ‘n verskeidenheid dierelewe besigtig en dit sluit in kameelperde, sebras, olifante, renosters, buffels, hiënas, seekoeie, krokodille en wildebeeste. Die olifantgetalle is aangevul met twee nuwe teelkuddes en in Oktober 2006 is twaalf nuwe swart renosters ingevoer met die hulp van die WWF Swart Renoster Uitbreidingsprojek.

Unieke ervarings wag op besoekers en is onder andere die renosteropsporingstelsel wat deur saam met opgeleide toergidse spoor te sny en dus diere van nader te besigtig. Die olifant moniteringsprogram sorg ook vir groot opwinding. Voëlkykers kan hulself uitleef met 350 verskillende spesies.

Vir die avontuurlustiges is daar natuurlik wildbesigtigtingstoere, kanovaarte, staptoere en tiervis hengelgeleenthede. Toere te perd word ook aangebied vir ‘n unieke wyse om die natuur te ervaar.

Die Mvubu Spa is natuurlik net die regte medisyne vir diegene wat al die voorafgaande ervarings net te uitputtend vind. Behandelings vir ontspanning en massering vir seer spiere word in kalmerende weelde aangebied.

Die Pongola wildtuin is beslis ‘n kombinasie van ongelooflike natuurskoon, luukse akkommodasie, wonderlike ervarings en beskik ook oor die geheim om dit te bewaar en te geniet. Hierdie bydrae tot die natuur- en wildbewaring in Suid-Afrika is van besondere waarde en bly ‘n fantastiese ervaring van beskerming en rehabilitasie van die natuurlewe in Suid-Afrika.

User Comments & Reviews

Team afanti-tour.com
2009-11-26 12:06:16

Hi, to find out about camping in the park, please contact them directly on telephone: +27 (0) 34 435 1123

Reply with Quote

Maryna de Kock
2009-11-26 11:14:51

Good day, I just want to find out about caravan camping in the park? specially during December 2009?

Reply with Quote

Leave a comment:
Site map afanti-tour.com - Directory and Complete Guide to South Africa Updates

Some of the Koh Samui villas are set on peaceful hills adjoining sea. So, when a sea wave hits the big boulders below, you are actually able to experience some butterflies in your stomachs. Such is the experience of the exotic locales where these Samui villas are located. The villas are located in peaceful places, but not much far from action. You can anytime visit the flee market to buy exotic sea shells, or belts made from fish’s skin for you dear and near ones.